Jeewan aur Main...

Sukon na dil ko mila, na mann to chain aaya,
Aaj jab akele baith kar socha, ki jeewan mein kya paaya,
Kya is anndhi duniya ne,nacheez ko anndha banaya,
Ya is manzar ke nashe mein, khud ko he luta aaya,
Teemir ke samrajya mein, zameer bech khaaya,
Aaj ji kar bhi zinda nahin hoon, kyon aisa samaa hai,
Jeewan ke is soone safar mein, zindagi ko na gaale lagaya,
Maya ke bhanwar mein, apna vivek gavaya,
Aaj jeewan ki antim shaam mein,saath nahin hai apna saaya,
Woh bhi prakash ka saathi hai, aandhkar usse na bhaaya,
Kuch sochta hoon main, kuch jaannana hai mujhko,
Main kaun hoon? Main kahan se aaya?
Sirf khoya he to hai maine, kabhi na kuch paaya,
Aaj jab aanth aaya, to jeewan ka saar samajh paaya,
Yahan kaun hai apna. Yahan kaun hai apna...
Yahan har koi hai paraaya......